Divernadal!!

Divernadal é unha alternativa diaria de lecer participativo e cooperativo proposta pola Fundación Ortegalia e a Concellería de Benestar Social de Ortigueira para celebrarmos o Nadal 2011.


Dende o mércores 14 de decembro ata o xoves 5 de xaneiro, maiores e pequenos poderedes gozar no Museo Ortegalia e na Rede de Centros Sociais de Ortigueira dun total de 22 obradoiros gratuítos, así como do ciclo de cine "Clásicos no Museo", pensados para que aproveitedes ao máximo estas datas especiais e para facilitarvos a conciliación da vida familiar e laboral.


Premede nas imaxes para ver os horarios e lugares de celebración. Lembrade que para os obradoiros infantís é preciso inscribirse no centro social de Ortigueira ( T. 981 402 542).

A pasalo ben co Divernadal!!